Հունաստան–Թուրքիա նոր լարվածություն՝ ծովային տարածքների պատճառով
Աշխարհ
Հունաստանի ԱԳՆ-ն հայտարարել է, որ Թուրքիան օգոստոսի 15-ի նախագահական հրամանագրերով Էգեյան և Արևելյան Միջերկրական ծովերում երկու «ազգային ծովային պարկ» ստեղծելու որոշում է ընդունել, որոնց տարածքները դուրս են գալիս Թուրքիայի տարածքային ջրերից։
Հունաստանի արտաքին գործերի նախարարության պնդմամբ՝ եթե այդ պարկերը ներառում են բաց ծովի տարածքներ, դրանց միակողմանի ստեղծումն անօրինական է, քանի որ որևէ պետություն իրավունք չունի իր իրավազորությունից դուրս գտնվող տարածքներում միակողմանիորեն ծովային պահպանվող գոտիներ սահմանել։
Աթենքը նաև պնդում է, որ թուրքական ծովային պարկերը տարածվում են Հունաստանի մայրցամաքային ծանծաղուտի վրա և այդ պատճառով չեն կարող որևէ իրավական ազդեցություն ունենալ Հունաստանի իրավունքների նկատմամբ։ Հունաստանի ԱԳՆ-ն ընդգծել է, որ նման քայլերը չեն կարող ստեղծել նոր փաստեր կամ փոխել միջազգային իրավունքի հիման վրա գոյություն ունեցող իրավունքները։
Հունական կողմը հայտարարել է, որ շարունակելու է պաշտպանել իր ինքնիշխան իրավունքները և բաց ծովի ազատությունները՝ միջազգային իրավունքի շրջանակում։ Աթենքը նաև նշել է, որ Թուրքիայի նման միակողմանի գործողությունները չեն նպաստում երկու երկրների բարիդրացիական հարաբերություններին և կարող են խորացնել լարվածությունը։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
