Իսրայելը զգուշացրե՞լ է ԱՄՆ-ին Սիրիային հարվածելու մասին. Fox News

Իսրայելը ԱՄՆ-ին տրամադրել է հատկապես զգայուն հետախուզական տեղեկություններ՝ նախքան Սիրիային հարվածները: Այս մասին Fox News-ին հայտնել է իսրայելցի բարձրաստիճան պաշտոնյան՝ մեկնաբանելով Իդլիբ նահանգում ռազմական օդանավակայանի վրա հարձակումների մասին տեղեկությունը։

«Հատկապես զգայուն հետախուզական տեղեկատվությունը նախապես փոխանցվել է ԱՄՆ-ին՝ տարբեր գերատեսչությունների և կառույցների ամենաբարձր մակարդակով», - ասել է հեռուստաալիքի զրուցակիցը:

Իսրայելի խոսնակը հրաժարվել է այլ մանրամասներ տրամադրել՝ վկայակոչելով հետախուզության խիստ գաղտնի բնույթը: