Թրամփը հայտարարել է Իրանի դեմ «աննախադեպ մասշտաբի տնտեսական պատերազմի» մեկնարկի մասին

ԱՄՆ նախագահ Դոնալդ Թրամփը հայտարարել է, որ Վաշինգտոնը Իրանի դեմ սկսում է իր բնորոշմամբ՝ «ամենաջախջախիչ տնտեսական գործողությունը»՝ նպատակ ունենալով ուժեղացնել երկրի տնտեսական մեկուսացումը։

Թրամփը զգուշացրել է, որ ցանկացած երկիր, որը կաջակցի Իրանին՝ իր ֆինանսական հաստատությունների, բիզնեսների, օդանավակայանների կամ պետական կառույցների միջոցով, կարող է բախվել «հսկայական տնտեսական հետևանքների»։

Նրա հայտարարության համաձայն՝ նոր ճնշումները վերաբերում են նաև Իրանի հետ առևտրային և ֆինանսական գործարքներին։ Թրամփը հայտարարել է, որ նպատակն է հասնել Իրանի «աննախադեպ մասշտաբի տնտեսական պատերազմի և մեկուսացման»։

Միաժամանակ, ԱՄՆ նախագահի հայտարարությունը կարող է ենթադրել նաև այսպես կոչված երկրորդային պատժամիջոցների ուժեղացում, երբ սահմանափակումների տակ կարող են հայտնվել ոչ միայն Իրանը, այլև այն օտարերկրյա կազմակերպություններն ու երկրները, որոնք շարունակում են տնտեսական կապերը Թեհրանի հետ։