«Սխալ հաշվարկներ»․ Իրանը կոշտ պատասխանեց Թրամփին

Իրանի արտաքին գործերի փոխնախարար Քազեմ Ղարիբաբադին կոշտ արձագանքել է ԱՄՆ նախագահ Դոնալդ Թրամփի՝ Իրանի վերաբերյալ հայտարարությանը։

Նրա խոսքով՝ Իրանի փլուզման մասին պնդումները չեն համապատասխանում իրականությանը, իսկ միաժամանակ բոլոր դաշնակիցներից օգնություն խնդրելը վկայում է հակառակ իրավիճակի մասին։

Ղարիբաբադին նշել է, որ խնդիրը սխալ հաշվարկներն են։ Նրա գնահատմամբ՝ ռազմական պատերազմը ցանկալի արդյունք չի տվել, և այժմ հաջորդ ձախողումն անվանում են «տնտեսական պատերազմ»։

Իրանի ԱԳ փոխնախարարը հավելել է, որ Թեհրանը շարունակում է դիմակայել իր դեմ կիրառվող ճնշումներին և չի պատրաստվում հրաժարվել իր դիրքորոշումից։