Բժիշկը ներկայացրել է դարչինի օգտակար և վնասակար հատկությունները

Դարչինը հարուստ է հակաօքսիդանտներով և փոքր քանակությամբ կանոնավոր օգտագործման դեպքում կարող է նպաստել արյան մեջ շաքարի մակարդակի կայուն պահպանմանը։ Այս մասին «Լենտա.ռու»-ին հայտնել է բժիշկ Ալեքսանդր Ումնովը։ Նրա խոսքով՝ դարչինը կարող է որոշ չափով բարձրացնել ինսուլինի նկատմամբ զգայունությունը և դանդաղեցնել ածխաջրերի յուրացումը։

Բժիշկը նշել է, որ սուրճին դարչին ավելացնելը կարող է նաև օգնել նվազեցնել օգտագործվող շաքարի քանակը․ մեկ բաժակի համար բավական է ընդամենը մեկ պտղունց։ Միաժամանակ դարչինը պարունակում է կումարին, որը մեծ քանակությամբ կարող է ծանրաբեռնել լյարդը։ Կասիա տեսակի դարչինում կումարինն ավելի շատ է, իսկ ցեյլոնյան դարչինում՝ զգալիորեն քիչ։

Մասնագետը խորհուրդ է տվել դարչինից խուսափել լյարդի և երիկամների հիվանդությունների, գաստրիտի կամ խոցի սրացման, հիպերտոնիայի և հղիության դեպքում։ Նա նաև ընդգծել է, որ դարչինը չի կարելի դիտարկել որպես նիհարեցնող միջոց կամ շաքարախտի բուժման եղանակ։ Երեխաների մոտ այն կարող է առաջացնել ալերգիա, մարսողական խանգարումներ կամ գլխացավ։