Պրիմորիեում առաջին անգամ տեսանկարահանել են ընձառյուծի, որը խնամում է ուրիշի ձագերին

Պրիմորիեում առաջին անգամ տեսանկարահանվել է եզակի դեպք․ էգ հեռավորարևելյան ընձառյուծը սկսել է խնամել մեկ այլ էգի ձագերին։ «Ընձառյուծի երկիր» ազգային պարկից հայտնել են, որ նման դեպքը բացառիկ է նաև համաշխարհային գիտության համար։

Ձագերն իրենց կյանքի առաջին ամիսներն անցկացրել են կենսաբանական մոր՝ Leo 158F-ի հետ։ Նրանց սկզբում նկատել են Ռուսաստանում, ապա՝ Չինաստանում։ Որոշ ժամանակ անց ձագերը վերադարձել են Ռուսաստանի տարածք, սակայն արդեն մեկ այլ էգի՝ Տոլստուշկա մականունով Leo 195F-ի ուղեկցությամբ։ Ավելի ուշ նրանց կրկին միասին տեսել են Չինաստանում։

Մասնագետների տվյալներով՝ ձագերի կենսաբանական մայրը շարունակում է հայտնվել նույն տարածքներում, սակայն այլևս չի շփվում նրանց հետ՝ փաստացի ամբողջությամբ թողնելով սերնդի խնամքը մյուս էգին։ Հեռավորարևելյան ընձառյուծն աշխարհի ամենահազվագյուտ խոշոր կատվազգիներից է․ Ռուսաստանում դրանց թիվը գերազանցում է 120-ը։