Ուտելու ընթացքում և դրանից հետո ի հայտ եկող քաղցկեղի ախտանիշներ. ուռուցքաբանը թվարկել է

Ուռուցքաբան Եվգենի Չերեմուշկինի խոսքով՝ կան քաղցկեղի ախտանիշներ, որոնք կարելի է նկատել ուտելու ընթացքում և դրանից հետո։

Ստամոքս-աղիքային քաղցկեղը կարող է կասկածվել, եթե տեղի են ունենում հետևյալ ախտանիշները՝

փորկապություն,
քաշող ցավ,
զկռտոց,
ծանրություն,
դառնության զգացում։

Այս ախտանիշները պարտադիր չէ, որ վկայեն ստամոքս-աղիքային քաղցկեղի զարգացման մասին, բայց եթե դրանք առկա են, ապա լավագույնն է դիմել բժշկի և անցնել հետազոտություն։

«Եթե մարդը քաղցկեղային ուռուցքի պատճառով ունի ստամոքս-աղիքային համակարգի խցանում կամ գրգռում, նա ուտելու ընթացքում կամ դրանից հետո կունենա քաշող ցավ, փորկապո ւթյուն և զկռտոց։ Ծանրությունը և դառնության զգացումը նույնպես բնորոշ են։ Այս ախտանիշները վկայում են վերին աղիքի հետ կապված խնդրի մասին», - «Վեչերնյայա Մոսկվա» թերթին ասել է Չերեմուշկինը։

Նրա խոսքով՝ սրանք այլևս քաղցկեղի վաղ նշաններ չեն, այլ ցույց են տալիս, որ հիվանդությունը գտնվում է ուշ փուլում։ Հարցն այն է, որ եթե դրանք ի հայտ են գալիս, դա վկայում է աղիքային համակարգի անատոմիական և ֆունկցիոնալ թերությունների մասին. ուռուցքը, հավանաբար, խցանում է առաջացրել։

Ստամոքսի քաղցկեղը չարորակ նորագոյացություն է, որն առաջանում է ստամոքսի ցանկացած հատվածի լորձաթաղանթից: Նման ուռուցքը չունի առողջ բջիջներից հստակ սահմանազատում և հեշտությամբ ներխուժում է շրջակա հյուսվածքներ և տարածվում ստամոքսից այն կողմ։

Որտե՞ղ է ցավում ստամոքսի քաղցկեղի դեպքում։

Ստամոքսի քաղցկեղի սուր ցավը ի հայտ է գալիս ուշ փուլերում և տեղայնացված է ոչ միայն ստամոքսում, այլև մեջքի ստորին հատվածում: Սա տեղի է ունենում, երբ ուռուցքը ներխուժում է ենթաստամոքսային գեղձ: Կարող են առաջանալ նաև սրտի ցավ (եթե ուռուցքը տարածվում է դիաֆրագմայի վրա) և աղիքային ցավ: