Ռուսաստանը պատրաստ է շարունակել երկխոսությունը ԱՄՆ-ի հետ՝ Ուկրաինայի հարցով

Ռուսաստանը բաց է ԱՄՆ-ի հետ Ուկրաինայի կարգավորման շուրջ երկխոսության համար, սակայն չի պատրաստվում վերանայել իր սկզբունքային մոտեցումները։

ՌԴ ԱԳ նախարարի տեղակալ Սերգեյ Ռյաբկովի խոսքով՝ Մոսկվան պատրաստ է քննարկել ցանկացած ողջամիտ նախաձեռնություն, որը համապատասխանում է ռազմաճակատում ստեղծված իրականությանը։

Դիվանագետը նաև նշել է, որ Վաշինգտոնը ընդհանուր առմամբ տրամադրված է Ուկրաինայի հարցով կառուցողական երկխոսության և որոշակի ըմբռնում է ցուցաբերում Ռուսաստանի դիրքորոշման նկատմամբ։