Թրամփ․ «Ոչ ոք չգիտի՝ ով է Իրանում պատասխանատուն»
Աշխարհ
ԱՄՆ նախագահ Դոնալդ Թրամփը հայտարարել է, որ Իրանի հետ համաձայնագիր կնքելն այժմ ավելի դժվար է դարձել, քանի որ, նրա խոսքով, Իրանի ղեկավարության մեծ մասը վերացել է։
«Նավատորմը վերացել է, օդուժը վերացել է, ղեկավարությունը վերացել է։ Խնդրի մի մասն այն է, որ այնքան շատ ղեկավարներ են վերացել, որ համաձայնություն կնքելը հեշտ չէ։ Ոչ ոք չգիտի, թե ով է պատասխանատու»,- ասել է Թրամփը 77 WABC ռադիոկայանի եթերում։
Թրամփը կրկնել է, որ Իրանի նկատմամբ ԱՄՆ-ի հիմնական նպատակն է թույլ չտալ Թեհրանին միջուկային զենք ձեռք բերել։ Նրա պնդմամբ՝ 2025 թվականի հունիսին Իրանի միջուկային օբյեկտներին հասցված ամերիկյան հարվածների ժամանակ Թեհրանը մոտ էր նոր միջուկային ռումբ ստեղծելուն։
ԱՄՆ նախագահը նաև հայտարարել է, որ Իրանը հակամարտության ընթացքում հարվածներ է հասցրել տարածաշրջանի մի շարք երկրներին, այդ թվում՝ Սաուդյան Արաբիային, Կատարին, ԱՄԷ-ին, Քուվեյթին և Բահրեյնին։ Իրանը, իր հերթին, պնդել է, որ չի թիրախավորել այդ երկրների տարածքները, այլ հարվածներ է հասցրել ամերիկյան ռազմաբազաներին և ԱՄՆ-ի հետ կապված օբյեկտներին։
ՈՒՂԻՂ ԵԹԵՐ
Ամենադիտված 
Լքված նորածնի ծնողները հայտնաբերվե՞լ են․ ինչ է հայտնում ՔԿ-ն
