Երկու շաբաթ առանց սննդի․ կենդանաբանական այգում առյուծը հոշոտել է մյուս առյուծին

Կուբայի Լաս Տունաս քաղաքի կենդանաբանական այգում առյուծը հարձակվել և սպանել է իր հետ նույն վանդակում պահվող մյուս առյուծին։ Կենդանիների պաշտպանությամբ զբաղվող ակտիվիստները պնդում են, որ պատճառը երկարատև սովն է եղել․ նրանց տվյալներով՝ գիշատիչները շուրջ երկու շաբաթ միս չեն ստացել, գրում է Cuba Headlines-ը։

Կենդանապաշտպանների խոսքով՝ կենդանաբանական այգին ֆինանսական և մատակարարման լուրջ խնդիրներ ունի, իսկ հրապարակված լուսանկարներում կենդանիների մոտ նկատվում են հյուծվածության նշաններ։ Նրանք նաև պնդում են, որ վանդակները տարիներ շարունակ պատշաճ չեն վերանորոգվել։

Տեղական իշխանությունները հաստատել են առյուծներից մեկի անկումը, սակայն հերքել են, որ միջադեպի պատճառը սովն է եղել։ Պաշտոնյաների վարկածով՝ կենդանիների միջև մահացու բախումը տեղի է ունեցել խաղի ժամանակ։ Կենդանապաշտպանները, սակայն, վիճարկում են այս բացատրությունը։