Արհեստական բանականության հմտություններ ունեցող մասնագետներին Ռուսաստանում պատրաստ են ամսական մինչև 750 հազար ռուբլի վճարել

Արհեստական բանականության և նեյրոցանցերի հետ աշխատելու գործնական հմտություններ ունեցող տեխնիկական պրոդուկտ-մենեջերների աշխատավարձը Ռուսաստանում կարող է հասնել ամսական 750 հազար ռուբլու՝ մինչև հարկերի պահումը։ Այս մասին վկայում են hh.ru-ի հետազոտության արդյունքները, փոխանցում է ՌԻԱ Նովոստին։

Մինչև 600 հազար ռուբլի աշխատավարձ կարող է առաջարկվել նաև ծրագրավորման և ԱԲ-ի հմտություններ ունեցող տնտեսագետ-վերլուծաբաններին, նեյրոցանցերին տիրապետող կոմերցիոն տնօրեններին, ինչպես նաև ԱԲ գործիքներ և գործակալներ արդյունավետ կիրառել կարողացող մարքեթոլոգներին։

Հետազոտության համաձայն՝ 2026 թվականի սկզբից Ռուսաստանում հրապարակվել է ավելի քան 21,6 հազար թափուր աշխատատեղ, որոնց պահանջներում նշված է նեյրոցանցերի հետ աշխատելու հմտությունը։