Ֆրանսիայի տարածքներից մեկը «բանտ-կղզի» են անվանել՝ փաստաթղթերի հետ կապված խիստ սահմանափակումների պատճառով

Բլոգեր Իլյա Վարլամովը Ֆրանսիայի անդրծովյան դեպարտամենտ Մայոտը համեմատել է «բանտ-կղզու» հետ՝ այնտեղ բնակվող միգրանտների համար փաստաթղթեր ստանալու և կղզուց դուրս գալու բարդությունների պատճառով։ Այս մասին գրում է Lenta.ru-ն՝ հղում անելով Վարլամովի հրապարակած տեսանյութին։

Նրա խոսքով՝ առանց անհրաժեշտ փաստաթղթերի Մայոտից հնարավոր չէ ինքնաթիռով մեկնել մայրցամաքային Ֆրանսիա։ Ընդ որում, Վարլամովը նշել է, որ սահմանափակումների են բախվում նաև օրինական կարգավիճակ ունեցող միգրանտները․ Մայոտում տրված որոշ կացության թույլտվություններ գործում են միայն կղզու տարածքում։

Բլոգերի գնահատմամբ՝ նման պայմանները Մայոտում ստեղծել են մեկուսացման զգացում, իսկ փաստաթղթերի հետ կապված խնդիրները բնակիչների մի մասի համար մշտական անհանգստության պատճառ են դարձել։