Աղտոտված օդը կարող է մեծացնել ատամների կորստի վտանգը․ գիտնականներ
Հասարակություն
Օդի աղտոտվածությունը կարող է վնասել բերանի խոռոչի հյուսվածքները և նպաստել ատամների կորստին։ Նման եզրակացության են եկել Սան Պաուլուի համալսարանի գիտնականները։ Հետազոտությունը հրապարակվել է Air Quality, Atmosphere & Health գիտական ամսագրում։
Փորձերի ընթացքում մասնագետներն ուսումնասիրել են օդում առկա PM2.5 մանր մասնիկների ազդեցությունը։ Պարզվել է, որ դրանք ուժեղացնում են ատամների շուրջ հյուսվածքների բորբոքումը և արագացնում ալվեոլային ոսկրի քայքայումը։ Հենց այդ ոսկրային հյուսվածքն է պահում ատամները, իսկ դրա վնասումը պարոդոնտիտի հիմնական նշաններից է և ծանր դեպքերում կարող է հանգեցնել ատամների կորստի։
Գիտնականները փոփոխություններ են հայտնաբերել նաև լեզվի հյուսվածքներում՝ արձանագրելով բորբոքային գործընթացների և օքսիդատիվ սթրեսի ուժեղացում։ Հետազոտության հեղինակների կարծիքով՝ աղտոտող մասնիկները կարող են բերանի խոռոչի վրա ազդել ինչպես անմիջապես շնչառության ժամանակ, այնպես էլ թոքեր ներթափանցելուց հետո՝ օրգանիզմում համակարգային բորբոքում առաջացնելով։


















































Ամենադիտված
Երևանն անցնում է նոր ժամային գրաֆիկի