Մաքս Ֆերստապենը նոր պայմանագիր է կնքել «Ռեդ Բուլի» հետ՝ մինչև 2030 թվականը

«Ֆորմուլա 1»-ի աշխարհի քառակի չեմպիոն Մաքս Ֆերստապենը երկարաձգել է պայմանագիրը «Ռեդ Բուլ» թիմի հետ մինչև 2030 թվականի ավարտը, հայտնում է «ՌԻԱ Նովոստին»՝ հղում անելով թիմի պաշտոնական հաղորդագրությանը։

Նիդերլանդցի ավտոարշավորդի նախորդ պայմանագիրը նախատեսված էր մինչև 2028 թվականը և ներառում էր թիմից վաղաժամ հեռանալու հնարավորություն։ Նրա տարեկան աշխատավարձը կազմում էր 65 մլն եվրո։ Լրատվամիջոցների տվյալներով՝ նոր պայմանագրով Ֆերստապենի վարձատրությունը զգալիորեն կբարձրանա։

28-ամյա Ֆերստապենը «Ռեդ Բուլի» կազմում հանդես է գալիս 2016 թվականից։ Նա չորս անգամ՝ 2021, 2022, 2023 և 2024 թվականներին, դարձել է աշխարհի չեմպիոն և «Ֆորմուլա 1»-ի Գրան պրի մրցարշավներում տարել 71 հաղթանակ։