Ուկրաինան Մասկից Starlink-ի թույլտվություն է խնդրել՝ Ռուսաստանում հարվածներ հասցնելու համար

Ուկրաինան դիմել է Իլոն Մասկին՝ թույլտվություն ստանալու Starlink կապով աշխատող անօդաչու թռչող սարքեր օգտագործելու համար՝ Ռուսաստանի տարածքում մինչև 200 կմ խորությամբ բալիստիկ հրթիռների արձակման ենթակառուցվածքներին հարվածելու նպատակով։ Այս մասին հայտնում է The Financial Times-ը։

Ըստ հրապարակման՝ խոսքը ռուսական տարածքում գտնվող այն օբյեկտների թիրախավորման մասին է, որոնք կապված են բալիստիկ հրթիռների արձակման հետ։

Ուկրաինական կողմի դիմումը պայմանավորված է Starlink համակարգի օգտագործման անհրաժեշտությամբ, քանի որ այդ տեխնոլոգիան կիրառվում է բազմաթիվ ուկրաինական անօդաչու համակարգերում։