ՆԱՏՕ-ն անսպասելի զորավարժություններ է անցկացրել Կալինինգրադի մոտ․ Ռուսաստանում խոսել են պատասխանի մասին
Համաշխարհային Մամուլ
Ռուսաստանի հաղթանակը Ուկրաինայում ընթացող պատերազմում լավագույն պատասխանը կլինի ՆԱՏՕ-ին՝ Կալինինգրադի մարզի սահմանների մոտ անցկացված զորավարժությունների համար։ Այս մասին «Газета.Ru»-ին հայտարարել է ՌԴ Պետդումայի պաշտպանության կոմիտեի անդամ Վիկտոր Սոբոլևը։
Ավելի վաղ գերմանական Merkur պարբերականը հայտնել էր, որ ՆԱՏՕ-ն Կալինինգրադի մարզի մերձակայքում լայնածավալ չնախատեսված զորավարժություններ է անցկացրել, որոնք արևմտյան աղբյուրները որակել են որպես «ազդանշան Ռուսաստանին»։ Ըստ հրապարակման՝ Լեհաստանի և Բալթիկ ծովի օդային տարածքում միաժամանակ գտնվել է դաշինքի ավելի քան 50 ինքնաթիռ։
Սոբոլևի պնդմամբ՝ նման զորավարժություններ անցկացվում են արդեն երեք տարի, և դրանցում ներգրավվում են նաև ամերիկյան ուժեր։ Նա հայտարարել է, որ ՆԱՏՕ-ն «պատրաստվում է Ռուսաստանի հետ պատերազմի»։ ՌԴ Դաշնության խորհրդի ներկայացուցիչ Վլադիմիր Ջաբարովն իր հերթին հայտարարել է, որ Կալինինգրադի շրջանում հնարավոր «սադրանքների» դեպքում Մոսկվան կոշտ պատասխան կտա։
ՈՒՂԻՂ ԵԹԵՐ
Ամենադիտված 
Լքված նորածնի ծնողները հայտնաբերվե՞լ են․ ինչ է հայտնում ՔԿ-ն
