Հայաստանում առաջիկա օրերին շոգ եղանակ է սպասվում

Օգոստոսի 22-24-ը հանրապետության տարածքում տեղումներ չեն սպասվում։ Օգոստոսի 25-ի և 26-ի երեկոյան առանձին շրջաններում հնարավոր են կարճատև անձրև և ամպրոպ։

Օդի ջերմաստիճանը օգոստոսի 23-24-ին աստիճանաբար կբարձրանա 5-6 աստիճանով։ Օգոստոսի 24-ին լեռնային շրջաններում այն կհասնի +32…+33°C, նախալեռնային գոտում՝ +36…+37°C, իսկ հովտային շրջաններում, այդ թվում՝ Երևանում և Արարատյան դաշտում՝ +38…+40°C։

Օգոստոսի 22-26-ը Երևանում և մի շարք մարզերում պահպանվելու է բարձր կարգի հրդեհավտանգ իրավիճակ։