Ծաղկի ջերմոցների վնասների մասին Էկոնոմիկայի նախարարությունը ինչու՞ տվյալներ չունի

Հայաստանի էկոնոմիկայի նախարարությունից հայտնել են, որ ծաղկի ջերմոցային տնտեսությունների հնարավոր վնասների վերաբերյալ այս պահին տվյալներ չունեն։ Գերատեսչությունում նշել են, որ այդ վնասները կապված են ընկերությունների ներքին գործունեության հետ։

Միաժամանակ, ԵՄ երկրներ ծաղկային արտադրանքի արտահանման ծավալների և մատակարարման աշխարհագրության վերաբերյալ տեղեկատվություն ստանալու համար նախարարությունը խորհուրդ է տվել դիմել Սննդամթերքի անվտանգության տեսչական մարմնին։