Tesla-ն և ևս ութ ավտոարտադրող հետ են կանչում 4,3 մլն մեքենա․ դռները կարող են չբացվել արտակարգ իրավիճակում
Համաշխարհային Մամուլ
Չինաստանում Tesla-ն և ևս ութ ավտոարտադրող հետ են կանչում ընդհանուր առմամբ մոտ 4,3 միլիոն ավտոմեքենա՝ էլեկտրոնային դռների բռնակների հետ կապված անվտանգության խնդրի պատճառով։ Ինչպես հայտնում է Reuters-ը, մտահոգությունն այն է, որ հոսանքի անջատման կամ վթարի դեպքում մեքենայի դռները կարող են դժվար բացվել։
Խնդիրը վերաբերում է հատկապես թափքին հավասար, ներսում թաքնվող էլեկտրոնային բռնակներին, որոնք լայն տարածում են ստացել էլեկտրամեքենաներում։ Եթե մեքենան հոսանքազրկվում է, ուղևորները պետք է կարողանան օգտվել մեխանիկական բացման համակարգից, սակայն որոշ մոդելներում այն դժվար է գտնել կամ հստակ նշված չէ։ Tesla-ի դռների կառուցվածքի վերաբերյալ ԱՄՆ-ում նաև բողոքներ և դատական հայցեր են ներկայացվել՝ կապված այն դեպքերի հետ, երբ մարդկանց համար դժվար է եղել դուրս գալ մեքենայից։
Չինաստանը 2027 թվականից արգելելու է նման «թաքնվող» դռների բռնակները՝ դառնալով նման սահմանափակում սահմանած առաջին երկիրը։ ԱՄՆ-ում և Եվրոպայում նույնպես քննարկվում են նոր անվտանգության պահանջներ, որպեսզի մեքենայի հոսանքազրկման դեպքում դռները հնարավոր լինի բացել ինչպես ներսից, այնպես էլ դրսից։
ՈՒՂԻՂ ԵԹԵՐ
Ամենադիտված 
Լքված նորածնի ծնողները հայտնաբերվե՞լ են․ ինչ է հայտնում ՔԿ-ն
