Շվեդները սկսել են հետաքրքրվել Ռուսաստան տեղափոխվելու հնարավորությամբ

Շվեդիայի քաղաքացիները գրեթե ամեն շաբաթ դիմում են Ստոկհոլմում Ռուսաստանի դեսպանատուն՝ հետաքրքրվելով Ռուսաստան տեղափոխվելու հնարավորությամբ։ Այս մասին ՌԻԱ Նովոստիին հայտնել է Շվեդիայում Ռուսաստանի դեսպան Սերգեյ Բելյաևը։

Նրա խոսքով՝ դիմողները հետաքրքրվում են «ավանդական արժեքները կիսող» օտարերկրացիների համար նախատեսված հատուկ վիզայով, որը հնարավորություն է տալիս պարզեցված կարգով ժամանակավոր կացության թույլտվություն ստանալ։ Դիմողների թվում կան ոչ միայն շվեդներ, այլև Շվեդիայի քաղաքացիություն ստացած այլ երկրների բնակիչներ։

Դեսպանը նշել է, որ շատերը դեռ չեն պատրաստվում անմիջապես տեղափոխվել և հիմնականում ճշտում են անհրաժեշտ փաստաթղթերը, աշխատանքի հնարավորություններն ու բնակության պայմանները։ Ոմանց մտահոգում է նաև ռուսերենի չիմացությունը և Ռուսաստան գումար փոխանցելու հնարավորությունը։