Երևանում փոշու մակարդակը գերազանցել է թույլատրելի նորման

Հիդրոօդերևութաբանության և մոնիթորինգի կենտրոնի տվյալներով՝ օգոստոսի 12-18-ը Երևանում օդի աղտոտվածության մի շարք ցուցանիշներ գերազանցել են սահմանային թույլատրելի կոնցենտրացիան։

Փոշու պարունակությունը նորմայից բարձր է եղել Կենտրոնում՝ օգոստոսի 13-17-ը, իսկ Արաբկիրում՝ օգոստոսի 15-16-ը։ Շենգավիթում և Նոր Նորքում փոշու թույլատրելի մակարդակի գերազանցում չի արձանագրվել։

Ազոտի երկօքսիդի պարունակությունը սահմանային թույլատրելի կոնցենտրացիայից բարձր է եղել Կենտրոնում՝ օգոստոսի 12-ին և 15-18-ը, Նոր Նորքում՝ նույն օրերին, իսկ Արաբկիրում՝ օգոստոսի 17-18-ը։

Միաժամանակ, Շենգավիթում ազոտի երկօքսիդի մակարդակի գերազանցում չի գրանցվել, իսկ ծծմբի երկօքսիդի պարունակությունը քաղաքի դիտարկված հատվածներում չի գերազանցել սահմանային թույլատրելի կոնցենտրացիան։