Գեղարքունիքում «Isuzu»-ն բախվել է 13-ամյա հեծանվորդին․ երեխան տեղափոխվել է հիվանդանոց

Օգոստոսի 19-ին ավտոմեքենայի և հեծանիվի բախում է տեղի ունեցել Գեղարքունիքի մարզում։ Ժամը 14։00-ի սահմաններում Մարտունի-Վարդենիս ավտոճանապարհին՝ Ծովակ բնակավայրի վարչական տարածքում, բախվել են 51-ամյա տղամարդու վարած «Isuzu» մակնիշի ավտոմեքենան և 13-ամյա երեխայի վարած հեծանիվը։

Բախման հետևանքով 13-ամյա հեծանվորդը մարմնական վնասվածքներ է ստացել։ Ավտոմեքենայի վարորդը երեխային տեղափոխել է «Վարդենիս» բժշկական կենտրոն։

Դեպքի վայր են ժամանել պարեկային ծառայության և Քննչական կոմիտեի աշխատակիցները, տարածքը սահմանազատվել է։ Դեպքի փաստով Վարդենիսի քննչական բաժնում նախաձեռնվել է քրեական վարույթ։

Ըստ SHAMSHYAN.com-ի՝ «Isuzu» մակնիշի ավտոմեքենան պատկանում է «Գրանդ Քենդի» ընկերությանը։