Ապագայի մասնագիտությունների մեծ մասը հիբրիդային կդառնա. հարցում

Հարցված աշխատող ռուսաստանցիների 73%-ը կարծում է, որ առաջիկա 5-10 տարիներին մասնագիտությունների մեծ մասը կդառնա հիբրիդային՝ համատեղելով տեխնոլոգիաների կիրառումն ու մարդկանց հետ շփումը։ Այս մասին ՌԻԱ Նովոստիին հայտնել են «Ավիտո Ռաբոտա» ընկերությունից։

Հարցման համաձայն՝ մասնակիցների 35%-ն ապագայի մասնագիտություններն առաջին հերթին կապում է արհեստական բանականության ոլորտի հետ։ Հաջորդում են տեղեկատվական տեխնոլոգիաները, ռոբոտաշինությունը, կենսատեխնոլոգիաներն ու բժշկական տեխնոլոգիաները։ Հարցվածների 18%-ը նաև ակնկալում է, որ ի հայտ կգան մասնագիտություններ, որոնք այսօր դեռ գոյություն չունեն։

Աշխատող ռուսաստանցիների շուրջ 62%-ը դիտարկում է վերապատրաստվելու և տեխնոլոգիաների ու արհեստական բանականության հետ ավելի ակտիվ աշխատանք ենթադրող մասնագիտություն ձեռք բերելու հնարավորությունը։ Նոր մասնագիտություն յուրացնելու հիմնական խթանը հարցվածները համարել են եկամուտն ավելացնելու, ինչպես նաև ճկուն կամ հեռավար աշխատելու հնարավորությունը։