«Մինչև 2031-ը պետությանը պետք է վերադարձվի շուրջ 2 մլրդ դոլարի ապօրինի ծագում ունեցող գույք». Փաշինյան

Վարչապետ Նիկոլ Փաշինյանը հայտարարել է, որ Կառավարության 2026-2031 թվականների գործունեության ծրագրով նախատեսվում է մինչև 2031 թվականը պետությանը վերադարձնել շուրջ 2 մլրդ դոլարի ապօրինի ծագում ունեցող գույք։

Նրա խոսքով՝ «ԷՍԱ»-ի, «Արարատցեմենտ»-ի և Ծաղկաձորի ճոպանուղու շուրջ ընթացող գործընթացները վստահություն են ներշնչում, որ այդ նպատակը կիրականացվի՝ ընդգրկելով ապօրինի ծագում ունեցող գույքի ավելի լայն շրջանակ։ Փաշինյանը նշել է, որ գործընթացը կարևոր է ոչ միայն նախկինում տեղի ունեցած կոռուպցիայի հետևանքների վերացման, այլև ապագայում կոռուպցիայի կանխարգելման համար։

«Այսօր գործող ցանկացած պաշտոնյա՝ լինի կառավարության անդամ, պատգամավոր, համայնքի ղեկավար կամ հաստատության տնօրեն, որը կոռուպցիոն գայթակղության առաջ կանգնի և տեղի տա դրան, պետք է վստահ լինի՝ ապօրինի ճանապարհով ձեռք բերված որևէ գույք չի մնա իր կամ իր ընտանիքի անդամների տիրապետության տակ»,- հայտարարել է Փաշինյանը։