Արևմուտքը համաշխարհային պարենային ճգնաժամը կանխելու երեք պայման է նշել

Համաշխարհային պարենային համակարգը կախված է անխափան առևտրից, մատչելի էներգիայից և կայուն կլիմայից, սակայն այս բոլոր պայմաններն այժմ սպառնալիքի տակ են։ Այս մասին ասել է Գուելֆի համալսարանի պրոֆեսոր Էվան Ֆրեյզերը, որն ուսումնասիրում է համակարգը, գրում է The New York Times-ը։

Նրա խոսքով՝ «այս պայմաններից ոչ մեկը, կարծես, չի բավարարվում»։

Հոդվածի համաձայն՝ ցորենի բերքի կրճատումը դարձել է մատակարարման հիմնական ռիսկերից մեկը։ Եվրոպական շոգը և երաշտը հարվածել են խոշոր արտադրող երկրներին։ Սա կարող է հանգեցնել գների հետագա աճի, հատկապես աղքատ երկրների համար, որոնք կախված են սննդամթերքի ներմուծումից։

Ավելին, Սև ծովը մնում է պատերազմական գոտի, և Կարմիր ծովում հութիների հարձակումները ստիպել են բեռնափոխադրողներին օգտագործել Հարավային Աֆրիկայի շուրջ ավելի երկար երթուղին։