«Լիդսի» և «Ռեյնջերսի» համասեփականատերը ձերբակալությունից հետո դատապարտվել է ԱՄՆ-ում

«Լիդսի» և «Ռեյնջերսի» համասեփականատեր, ինչպես նաև NFL-ի «Սան Ֆրանցիսկո 49երս»-ի սեփականատեր Ջեդ Յորքը Օհայո նահանգում ձերբակալվելուց հետո դատապարտվել է։

45-ամյա Յորքը մեղավոր է ճանաչվել անկարգ վարքագծի և հանցավոր գործիքներ պահելու մեղադրանքներով։ Նա դատարանում իրեն մեղավոր չի ճանաչել, սակայն չի վիճարկել մեղադրանքները (no contest), ինչից հետո դատարանը նրան դատապարտել է երկու հոդվածով։

Յուրաքանչյուր դրվագով նշանակվել է մեկ օր ազատազրկում՝ միաժամանակյա կրմամբ, իսկ արդեն կալանքի տակ անցկացրած ժամանակը հաշվարկվել է պատժի մեջ։ Բացի այդ, Յորքը տուգանվել է 150 դոլարով՝ անկարգ վարքի, և 1000 դոլարով՝ հանցավոր գործիք պահելու համար։

ԱՄՆ ԶԼՄ-ների հաղորդմամբ՝ Յորքը արձագանքել էր մարմնավաճառության կայքում տեղադրված հայտարարությանը, որը հրապարակել էին թրաֆիքինգի դեմ պայքարի աշխատանքային խմբի գաղտնի աշխատակիցները։ Ըստ դատական փաստաթղթերի՝ նա պայմանավորվել էր կնոջ հետ սեռական հարաբերության համար՝ 140 դոլարի դիմաց։ Սկզբնական մեղադրանքը հետագայում նվազեցվել է։

Յորքը «Ռեյնջերսի» համասեփականատեր է դարձել «49ers Enterprises»-ի միջոցով, որը «Սան Ֆրանցիսկո 49երս»-ի ներդրումային կառույցն է։ Սակայն նա շոտլանդական ակումբի առօրյա կառավարմամբ չի զբաղվում։ «Ռեյնջերսը» և «Լիդսը» հայտարարել են, որ չեն մեկնաբանի տեղի ունեցածը։