Նեպալում ավերիչ ջրհեղեղից հետո 384 զբոսաշրջիկ և արշավական անհետ կորած է համարվում

Նեպալում ավերիչ ջրհեղեղների հետևանքով 384 զբոսաշրջիկ և արշավական անհետ կորած է համարվում։ Իշխանությունների տվյալներով՝ նրանցից 291-ը օտարերկրյա քաղաքացիներ են, իսկ 93-ը՝ Նեպալի քաղաքացիներ։

Անհետ կորածների թվում են Հնդկաստանի 105, Մալայզիայի 17, Մեծ Բրիտանիայի 12, Հարավային Աֆրիկայի 4 և ԱՄՆ-ի 3 քաղաքացիներ։ Մեկական անհետ կորած քաղաքացի կա նաև Ավստրալիայից և Նիդեռլանդներից։ Հարավային Կորեան հայտնել է, որ կապ չի հաստատվել իր ութ քաղաքացիների հետ, ևս 12 քաղաքացի արգելափակված է աղետի գոտում։

Օգոստոսի 26-ին Նեպալի իշխանությունները փրկարարական աշխատանքներին ներգրավելու նպատակով ուղղաթիռներ են ուղարկել հեղեղից տուժած շրջաններ։ Ջրհեղեղները քշել են գյուղեր, ավերել շենքեր ու կամուրջներ։ Մոտ 100 անհետ կորածների քաղաքացիությունը դեռևս չի պարզվել։

Պաշտոնական տվյալներով՝ աղետի հետևանքով առնվազն ութ մարդ զոհվել է։ Նեպալի արտգործնախարարը հայտնել է, որ նախնական տեղեկություններով՝ երկրաշարժը ձնահյուս է առաջացրել, որն էլ հանգեցրել է ջրհեղեղի։