Կանխատեսվել է Ռուսաստանի Կենտրոնական բանկի՝ հիմնական տոկոսադրույքի վերաբերյալ ամենահավանական որոշումը

Ռուսաստանի Կենտրոնական բանկը սեպտեմբերի 11-ին կայանալիք նիստում, ամենայն հավանականությամբ, դադար կվերցնի հիմնական տոկոսադրույքի նվազեցման գործընթացում։ Այս մասին «Լենտա.ռու»-ին հայտնել է ՌԴ կառավարությանն առընթեր Ֆինանսական համալսարանի դոցենտ Պյոտր Շչերբաչենկոն։

Փորձագետի գնահատմամբ՝ տոկոսադրույքն անփոփոխ թողնելու հավանականությունը 55% է։ Միաժամանակ ԿԲ-ն կարող է ազդակ տալ, որ հաջորդ նիստում հնարավոր է ավելի զգալի նվազեցում։ Տոկոսադրույքը 0,25 տոկոսային կետով նվազեցնելու հավանականությունը Շչերբաչենկոն գնահատել է 25%, իսկ ավելի մեծ նվազեցմանը՝ 15%։

Տնտեսագետի խոսքով՝ վերջնական որոշում ընդունելուց առաջ կարգավորող մարմինը կվերլուծի օգոստոսի ամբողջական և սեպտեմբերի առաջին օրերի տնտեսական տվյալները։ Նրա գնահատմամբ՝ Կենտրոնական բանկը կշարունակի հիմնական տոկոսադրույքի աստիճանական նվազեցման քաղաքականությունը։ Նախատեսվում է, որ 2026 թվականին միջին հիմնական տոկոսադրույքը կարող է կազմել 14,5-14,6%, 2027-ին՝ 10,5-12,5%, իսկ 2028-ին՝ 8-9%։