Պակիստանը փորձում է ԱՄՆ-ին և Իրանին համոզել երկարաձգել հրադադարը

Պակիստանը փորձում է համոզել ԱՄՆ-ին և Իրանին համաձայնվել 60-օրյա հրադադարի, հաղորդում է Anadolu գործակալությունը՝ հղում անելով աղբյուրներին։

Իսլամաբադը կարծում է, որ այս ընթացքում կողմերը կարող են վերջնական համաձայնության գալ հակամարտության կարգավորման վերաբերյալ։

«Երկու կողմերն էլ Իսլամաբադի միջոցով հաղորդագրություններ են փոխանակում՝ նախնական շրջանակ մշակելու համար, նախքան ուղիղ բանակցությունների վերսկսման և երկարաձգման մասին հայտարարելը», - ասել է գործակալության աղբյուրներից մեկը։

Մեկ այլ աղբյուր հաստատել է, որ Վաշինգտոնն ու Թեհրանը համաձայնել են չվերսկսել միմյանց դեմ հարձակումները` չնայած հուշագրում նշված նախորդ 60-օրյա ժամկետը լրացել է օգոստոսի 16-ին։