Ռուսաստանի դեսպանատունը կարևոր կոչով դիմել է ՆԱՏՕ-ին

Նիդեռլանդներում Ռուսաստանի դեսպանատունը ՆԱՏՕ-ի երկրներին կոչ է արել դադարեցնել Մոսկվայի նկատմամբ սադրանքները։ Այս մասին դիվանագիտական ներկայացուցչությունը գրել է X սոցիալական ցանցում։

«Նիդեռլանդների ռազմական ինքնաթիռները թռիչքներ են իրականացնում Ռուսաստանի սահմանների երկայնքով, սակայն ինչո՞ւ է հենց Մոսկվան մեղադրվում «լարվածության սրման» մեջ։ ՆԱՏՕ-ի երկրները պետք է դադարեն սադրել Ռուսաստանին», — հայտարարել են դեսպանատնից։

Օգոստոսի 19-ին ՆԱՏՕ-ի երեք հետախուզական ինքնաթիռներ նկատվել էին Կալինինգրադի մարզի մոտ։ Դրանցից մեկը թռիչք էր իրականացնում Ռուսաստանի տարածաշրջանի շուրջ՝ օգտագործելով Լեհաստանի և Լիտվայի օդային տարածքները, ինչպես նաև Բալթիկ ծովի չեզոք ջրերի օդային տարածքը։ Հուլիսի 29-ին Ռուսաստանի սահմանների մոտ թռիչքներ էին իրականացրել նաև Մեծ Բրիտանիայի ռազմաօդային ուժերի Boeing RC-135W Rivet Joint և Boeing Poseidon MRA1 հետախուզական ինքնաթիռները։