Լավրովը Փաշինյանի՝ ԵՄ հանրաքվեի մասին հայտարարությունը կապել է հայ ժողովրդի հանդեպ անվստահության հետ

Լավրովը նշել է, որ Փաշինյանը հանրաքվեի անցկացման հնարավորությունը կապել է նախ ԵՄ անդամակցության հայտ ներկայացնելու, դրան արձագանք ստանալու և անդամակցության «ճանապարհային քարտեզ» մշակելու հետ։

«Իմ կարծիքով՝ դա վկայում է հայ ընտրողների, հայ ժողովրդի հանդեպ ոչ այնքան մեծ վստահության մասին»,- ասել է Լավրովը՝ ընդգծելով, որ նման հարցերում պետք է քաղաքացիներին հնարավորություն տալ ազնիվ ընտրություն կատարելու։

ՌԴ ԱԳ նախարարի խոսքով՝ Հայաստանի տնտեսական զարգացումը վերջին տարիներին մեծապես կապված է եղել Եվրասիական տնտեսական միության շրջանակում համագործակցության հետ։ Նա նշել է նաև Հայաստանի և ԵԱՏՄ երկրների միջև առևտրաշրջանառության աճը՝ ընդգծելով, որ վերջին տարիներին այն զգալիորեն ավելացել է։