Լավրովը Փաշինյանի՝ ԵՄ հանրաքվեի մասին հայտարարությունը կապել է հայ ժողովրդի հանդեպ անվստահության հետ
Արտաքին Քաղաքական
ՌԴ ԱԳ նախարար Սերգեյ Լավրովը հայտարարել է, որ Հայաստանի վարչապետ Նիկոլ Փաշինյանի՝ Եվրամիությանն անդամակցության հանրաքվեի վերաբերյալ հայտարարությունները վկայում են հայ ժողովրդի և ընտրողների հանդեպ նրա ոչ մեծ վստահության մասին։
Լավրովը նշել է, որ Փաշինյանը հանրաքվեի անցկացման հնարավորությունը կապել է նախ ԵՄ անդամակցության հայտ ներկայացնելու, դրան արձագանք ստանալու և անդամակցության «ճանապարհային քարտեզ» մշակելու հետ։
«Իմ կարծիքով՝ դա վկայում է հայ ընտրողների, հայ ժողովրդի հանդեպ ոչ այնքան մեծ վստահության մասին»,- ասել է Լավրովը՝ ընդգծելով, որ նման հարցերում պետք է քաղաքացիներին հնարավորություն տալ ազնիվ ընտրություն կատարելու։
ՌԴ ԱԳ նախարարի խոսքով՝ Հայաստանի տնտեսական զարգացումը վերջին տարիներին մեծապես կապված է եղել Եվրասիական տնտեսական միության շրջանակում համագործակցության հետ։ Նա նշել է նաև Հայաստանի և ԵԱՏՄ երկրների միջև առևտրաշրջանառության աճը՝ ընդգծելով, որ վերջին տարիներին այն զգալիորեն ավելացել է։
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
