Ֆրանսիայում և Իսպանիայում կտրուկ գնաճ է արձանագրվել

Ֆրանսիան և Իսպանիան օգոստոսին բախվել են գնաճի զգալի արագացման։ Իսպանիայում գնաճը հասել է 4,5%-ի՝ ավելի քան երկու անգամ գերազանցելով Եվրոպական կենտրոնական բանկի սահմանած 2% նպատակային ցուցանիշը, հայտնում է Bloomberg-ը։

Ֆրանսիայում գնաճն արագացել է մինչև 2,7%՝ հասնելով մարտից ի վեր ամենաբարձր մակարդակին։ Գների աճի հիմնական պատճառներից մեկը էներգակիրների թանկացումն է, որը կապվում է Մերձավոր Արևելքում շարունակվող ռազմական գործողությունների հետ։

Գնաճի արագացում է արձանագրվել նաև Իսլանդիայում․ օգոստոսին այն հասել է 5,6%-ի՝ վերջին երկու տարվա ամենաբարձր մակարդակին։ Համեմատության համար՝ եվրագոտում տարեկան գնաճը 2026 թվականի մայիսին կազմել էր 3,2%։