Ռուսաստանը ոչնչացրել է Ուկրաինայի առևտրային ցանցերի պահեստների շուրջ 90 տոկոսը․ նախարար

Ուկրաինայի գյուղատնտեսության նախարարի խոսքով՝ ռուսական հարվածների հետևանքով ոչնչացվել է երկրի առևտրային ցանցերի պահեստային ենթակառուցվածքի շուրջ 90 տոկոսը։ Վերջին օրերին ռուսական հարվածների հետևանքով վնասվել են նաև խոշոր լոգիստիկ կենտրոններ և պահեստներ։

Նախարարը, սակայն, նշել է, որ դա չի նշանակում, թե ուկրաինացիները կմնան առանց սննդամթերքի։ Նրա խոսքով՝ փոխվելու են լոգիստիկ սխեմաները և կկիրառվեն մատակարարման այլընտրանքային, ավելի օպերատիվ տարբերակներ։

Ուկրաինայի պարենային ոլորտին լրացուցիչ ճնշում է ստեղծում նաև Սև ծովով արտահանման խափանումը․ երկրի հացահատիկի արտահանման շուրջ 90 տոկոսը նախկինում իրականացվում էր Սև ծովի նավահանգիստներով։