Ռուսաստանը կարող է բարելավել դիրքերը համաշխարհային տնտեսական վարկանիշներում

Ռուսաստանը հնարավորություն ունի առաջիկայում բարելավելու իր դիրքերը համաշխարհային տնտեսական վարկանիշներում։ Այս մասին հայտարարել է Պլեխանովի անվան Ռուսաստանի տնտեսագիտական համալսարանի Մոսկվայի Տնտեսագիտության բարձրագույն դպրոցի փոխղեկավար Յուլիա Կովալենկոն, փոխանցում է ՌԻԱ Նովոստին։

Կովալենկոյի խոսքով՝ Ռուսաստանը կարող է ապագայում բարձրանալ համաշխարհային տնտեսական վարկանիշի երրորդ հորիզոնական, սակայն դա մոտ ժամանակներում տեղի չի ունենա։ «Չի կարելի ասել, որ երրորդ տեղ հասնել կհաջողվի մոտ ապագայում, բայց ընդհանուր առմամբ նման հնարավորություններ կան», — նշել է նա։

Փորձագետի գնահատմամբ՝ տնտեսության հետագա զարգացման տեմպերը կախված կլինեն մի շարք գործոններից, այդ թվում՝ աշխատավարձերի աճից և գնագոյացումից։ Միաժամանակ մասնագետները Ռուսաստանի տնտեսության համար ռիսկերի թվում նշում են բարձր տոկոսադրույքները, նավթի գների անկայունությունը, ռուբլու բարձր փոխարժեքը և արդյունաբերության թույլ ցուցանիշները։