Նիգերի իշխանությունները մայրաքաղաքում հարձակումների ֆոնին բնակչությանը հանգստության կոչ են արել

Նիգերի իշխանությունները մայրաքաղաք Նիամեյում տեղի ունեցող հարձակումների և զինված բախումների ֆոնին բնակչությանը կոչ են արել պահպանել հանգստությունը և չտարածել չստուգված տեղեկություններ։

«Պաշտպանության և անվտանգության ուժերը մոբիլիզացված են հայրենիքը պաշտպանելու համար», — ասվում է երկրի Ազգային պաշտպանության խորհրդի հայտարարության մեջ։

Նիամեյում իրավիճակը շարունակում է լարված մնալ։ Գիշերը զինված բախումներ են տեղի ունեցել, իսկ առավոտյան մայրաքաղաքի մի քանի շրջաններում կրակոցներ և պայթյուններ են լսվել։ Կրակոցներ են գրանցվել նաև օդանավակայանի և այնտեղ գտնվող ռազմաբազայի, ինչպես նաև նախագահական պալատի հարակից հատվածներում։ Տեղական հեռուստաալիքներից մեկի հեռարձակումը դադարեցվել է։ Հարձակումների պատասխանատվությունը դեռ ոչ ոք չի ստանձնել։