Նեպալում ջրհեղեղի հետևանքով զոհերի թիվը հասել է 626-ի․ հարյուրավոր զբոսաշրջիկներ դեռ կապի դուրս չեն եկել

Նեպալում տեղի ունեցած ավերիչ ջրհեղեղի հետևանքով զոհերի թիվը հասել է առնվազն 626-ի, իսկ անհետ կորած է համարվում շուրջ 2500 մարդ։ Աղետի հետևանքով տուժել են նաև օտարերկրյա զբոսաշրջիկներ։

Փրկարարները աղետի գոտուց դուրս են բերել 184 օտարերկրյա զբոսաշրջիկի, մինչդեռ ևս 420 զբոսաշրջիկի հետ կապ հաստատել դեռևս չի հաջողվել։ Տեղեկությունների համաձայն՝ անհետ կորածների թվում կան ավելի քան 500 օտարերկրացիներ։

Աղետը տեղի է ունեցել օգոստոսի 26-ին՝ Նեպալ-Տիբեթ սահմանին։ Հսկայական ջրային, քարային ու ցեխային հոսքերը քշել են տներ, կամուրջներ և ճանապարհներ՝ մեծ վնաս հասցնելով ենթակառուցվածքներին։ Փրկարարական աշխատանքները շարունակվում են, սակայն վատ եղանակը և բարդ տեղանքը զգալիորեն դժվարացնում են որոնումները։

Նեպալի իշխանությունները միջազգային օգնություն են խնդրել մասնագիտացված տեխնիկական աշխատանքների համար և գնահատում են, որ աղետի հետևանքների վերականգնման համար կպահանջվի 4-5 միլիարդ դոլար։