«Ռոսնեֆտ»-ը հայտարարել է, որ վառելիքի գները պահպանում է կայուն մակարդակում

«Ռոսնեֆտ»-ը 2026 թվականի առաջին կիսամյակում ներքին շուկայում վառելիքը վաճառել է կայուն գներով։ Այս մասին հայտարարել է ընկերության ղեկավար Իգոր Սեչինը։

Նրա խոսքով՝ ընկերությունը շարունակում է ապահովել Ռուսաստանի ներքին շուկայի պահանջարկը՝ հաշվի առնելով նավթավերամշակման հզորությունների պահպանման հետ կապված սահմանափակումները։ Սեչինը նշել է, որ վառելիքի կայուն գները նաև նպաստում են գնաճի զսպմանը։

Առաջին կիսամյակում «Ռոսնեֆտ»-ը Ռուսաստանի ներքին շուկայում վաճառել է 18,8 մլն տոննա նավթամթերք։ Դրանից 3,8 մլն տոննա բենզին և դիզելային վառելիք իրացվել է բորսայի միջոցով։