«Ցեղահոսը տարավ կնոջս». Նեպալում փրկվածները պատմում են nղբերգnւթյան պահի մասին

Նեպալում տեղի ունեցած ողբերգության հետևանքով արդեն 600-ից ավելի զոհ կա։ 977 մարդ դեռևս անհետ կորած է համարվում, այդ թվում։

Անհետ կորածների թվում է 31-ամյա մոսկվացի ծրագրավորող Ալեքսանդր Զիմինը: «Օգոստոսի 26-ի առավոտյան մենք կորցրեցինք կապը Սաշայի հետ, երբ նա հատում էր Նեպալ-Չինաստան սահմանը», - սոցիալական ցանցերում գրել են նրա ընկերները: 

kp.ru-ի հաղորդմամբ, Պեկինում տեղի է ունեցել ճգնաժամային կառավարման նիստ՝ Չինաստանի նախագահ Սի Ցզինպինի նախագահությամբ։ Հրապարակվել է նախազգուշացում. սառցադաշտի փլուզման հետևանքով առաջացած «արգելապատնեշային լիճը» դուրս է գալիս ջրից։

Ականատեսները պատմել են, թե ինչպես է սկսվել ամեն ինչ։

Քեշավ Պրասադ Բարալը ապրում է Բհոտե Կոշի գետի հովտում գտնվող մի գյուղում, որտեղից ներքև սողանքը արագորեն տարածվել է։ 

«Ոչ անձրև էր, ոչ էլ ցնցումներ։ Ես լսեցի աղմուկը, նայեցի տնից դուրս և հանկարծ տեսա ցեխի մի հսկայական կույտ, որը դեպի մեր տան ուղղությամբ էր գալիս։

Ես շտապեցի կնոջս մոտ՝ ցանկանալով գրկել նրան, որպեսզի գոնե միասին մահանանք։ Բայց հեղեղն արդեն  պատուհաններից և դռներից լցվել էր տուն։ Ես չկարողացա հասնել նրան։ Ինձ ուղղաթիռով տարան։ Կինս մնաց այնտեղ՝ ցեխի տակ, ինչ-որ տեղ։ Նա մահացավ»։ 

Մեկ այլ պատմություն. 

«Իմ ամբողջ ընտանիքին ջրհեղեղը տարավ հենց իմ աչքի առաջ։ Իմ հայրը, մայրը, քույրը և բոլոր զարմիկներս ոչ մի հնարավորություն չունեին փախչելու. ամեն ինչ այնքան հանկարծակի տեղի ունեցավ։

Որդիս փրկեց ինձ՝ նա բռնեց ձեռքս և քաշեց տանիք։ Ես դեռ չեմ հասկանում, թե ինչպես ենք մենք ողջ մնացել»։

Հիշեցնենք՝ աղետը տեղի է ունեցել, երբ սառցադաշտը հալվել է և սառույցի, ջրի, ժայռերի և ցեխի հսկայական հեղեղը թափվել է Հիմալայան գետերի հովիտներով՝ վնասելով ամբողջական գյուղեր և ոչնչացնելով ճանապարհներ, կամուրջներ և հիդրոէլեկտրակայաններ։