Ռուսաստանում նշել են Պուտին-Թրամփ-Զելենսկի հանդիպման պայմանը

Ռուսաստանի, ԱՄՆ-ի և Ուկրաինայի ղեկավարներ Վլադիմիր Պուտինի, Դոնալդ Թրամփի և Վլադիմիր Զելենսկու եռակողմ հանդիպումը հնարավոր կլինի միայն ուկրաինական հակամարտության կարգավորման շուրջ նախնական պայմանավորվածությունների ձեռքբերումից հետո։ Այս մասին հայտարարել է ՌԴ Պետդումայի միջազգային հարցերի հանձնաժողովի փոխնախագահ Ալեքսեյ Չեպան։

«Հանդիպում՝ պարզապես հանդիպման համար, չի լինի։ Առաջին հերթին պետք է հստակ պատկերացում լինի, թե ինչ նպատակ պետք է հետապնդեն առաջնորդները նման պատասխանատու հանդիպման ժամանակ»,- ասել է Չեպան։

Նրա խոսքով՝ այս պահին ուկրաինական հարցի շուրջ անհրաժեշտ պայմանավորվածությունները դեռ ձեռք չեն բերվել։ Ավելի վաղ Կրեմլի խոսնակ Դմիտրի Պեսկովը նույնպես հայտարարել էր, որ Պուտինի, Թրամփի և Զելենսկու հանդիպումը կարող է կայանալ արդեն ձեռք բերված համաձայնությունը ամրագրելու նպատակով։