Բացահայտվել են հայտնի բրիտանացի հեռուստահաղորդավարների հոնորարները

Բրիտանական հայտնի հեռուստահաղորդավարներն ու փորձագետները մեկ հաղորդման համար կարող են մի քանի հազար ֆունտ ստեռլինգ ստանալ։ Daily Mail-ի տվյալներով՝ BBC One-ի «Match of the Day» ֆուտբոլային հաղորդման հաղորդավարներ Գաբբի Լոգանն ու Մարկ Չեփմանը յուրաքանչյուր եթերի համար ստանում են մոտ 3 հազար ֆունտ ստեռլինգ։

Նույն հաղորդման մշտական փորձագետ, Անգլիայի հավաքականի նախկին հարձակվող Ուեյն Ռունիի հոնորարը զգալիորեն ավելի բարձր է՝ մոտ 8 հազար ֆունտ ստեռլինգ մեկ թողարկման համար։ ITV-ի «This Morning» հաղորդման հաղորդավար Ռայլան Քլարքը մեկ եթերի համար ստանում է շուրջ 5 հազար, իսկ Քրեյգ Դոյլը՝ 3 հազար ֆունտ։

Ավելի համեստ են ITV-ի «Loose Women» թոք-շոուի հաղորդավարների հոնորարները։ Daily Mail-ի տվյալներով՝ Քեյ Ադամսը, Քոլին Նոլանը, Ջեյն Մուրը և Ջանեթ Սթրիթ-Փորթերը յուրաքանչյուր թողարկման համար ստանում են մոտ 1 հազար ֆունտ ստեռլինգ։