Պեսկովը՝ Եվրոպային․ Ռուսաստանի համար միևնույն է՝ դուք կճանաչե՞ք մեր ընտրությունները, թե՞ ոչ

ՌԴ նախագահի մամուլի քարտուղար Դմիտրի Պեսկովի խոսքով՝ եվրոպական երկրները մշտապես ունեցել են Ռուսաստանի ընտրությունների դեմ ուղղված «սադրիչ ձգտումներ» և, ըստ Պեսկովի, դրանք կշարունակվեն նաև հետագայում։

«Ռուսաստանի համար տասներորդական հարց է՝ իր ընտրությունները կճանաչվե՞ն Եվրոպայում, թե՞ ոչ»,- ասել է Կրեմլի ներկայացուցիչը։

Պեսկովը հավելել է, որ Մոսկվան չի պատրաստվում իր ընտրությունների լեգիտիմությունը պայմանավորել եվրոպական երկրների դիրքորոշմամբ։