Սեպտեմբերի 3-ից Նալբանդյան–Վարդանանց խաչմերուկում երթևեկության նոր կարգ է սահմանվում
Հասարակություն
Երևանում սեպտեմբերի 3-ից երթևեկության կազմակերպման փոփոխություն կկատարվի Նալբանդյան և Վարդանանց փողոցների խաչմերուկում։
Նալբանդյան 48 հասցեին հարակից հատվածից մինչև Սախարովի հրապարակ, Վարդանանց 5 հասցեին հարակից հատվածից մինչև Սախարովի հրապարակ, ինչպես նաև Նալբանդյան 50 հասցեին հարակից հետիոտնային անցումից մինչև վճարովի ավտոկայանատեղի ընկած ճանապարհահատվածում տրանսպորտային միջոցների կանգառն արգելվելու է։
Բացի այդ, Նալբանդյան 48 հասցեին հարակից ճանապարհահատվածի երթևեկելի մասի առաջին գոտով Հանրապետության հրապարակի կողմից դեպի Սախարովի հրապարակ ընթացող տրանսպորտային միջոցների երթևեկությունը կթույլատրվի միայն աջ ուղղությամբ։
Երևանի քաղաքապետարանը հայտնում է, որ խաչմերուկում և հարակից տարածքներում երթևեկության կանոնների պահպանման նկատմամբ հսկողությունն իրականացվելու է նաև տեսահսկման սարքերի միջոցով:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
