Զախարովա․ «Երիտասարդությունը պետք է ամրապնդի հայ-ռուսական հարաբերությունները»

ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ երիտասարդությունը կարող է կարևոր դեր ունենալ Հայաստանի և Ռուսաստանի միջև հարաբերությունների հետագա ամրապնդման գործում։

Նրա խոսքով՝ հայ-ռուսական հարաբերությունները կարող են և պետք է ավելի լայն լինեն, քան պաշտոնական փաստաթղթերով ամրագրված մակարդակը՝ հաշվի առնելով երկու երկրների բազմադարյա պատմական կապերը, մշակութային ընդհանրություններն ու ավանդական արժեքները։

Զախարովան նաև ընդգծել է Ռուսաստանի ներդրումը Հայաստանի քաղաքացիների կյանքեր խլած արյունալի հակամարտությունների հանգուցալուծման գործում։