Նորվեգիայի նոր թագավոր Հոկոն VIII-ը հոր մահից հետո երդում է տվել խորհրդարանում

Նորվեգիայի նոր թագավոր Հոկոն VIII-ը սեպտեմբերի 1-ին երդում է տվել երկրի խորհրդարանի՝ Սթորթինգի առջև՝ պաշտոնապես ստանձնելով գահը հոր՝ Հարալդ V-ի մահից հետո։ Այս մասին հայտնում է Daily Mail-ը։

53-ամյա միապետը խոստացել է Նորվեգիայի թագավորությունը կառավարել Սահմանադրության և օրենքների համաձայն։ Նա նաև հույս է հայտնել, որ խորհրդարանի և թագավորական տան միջև կպահպանվեն իր նախորդների օրոք ձևավորված լավ հարաբերությունները։

Հարալդ V-ը մահացել է օգոստոսի 28-ին՝ 89 տարեկան հասակում՝ 35 տարի գահակալելուց հետո։ Նրա մահից անմիջապես հետո թագաժառանգ Հոկոնը, Նորվեգիայի գահաժառանգության կարգի համաձայն, դարձել է թագավոր՝ ընտրելով Հոկոն VIII անունը և պահպանելով թագավորական ընտանիքի «Ամեն ինչ Նորվեգիայի համար» կարգախոսը։

Երդման արարողությանը թագավորին ուղեկցել է նրա դուստրը՝ թագաժառանգ արքայադուստր Ինգրիդ Ալեքսանդրան։ Հոկոնի կինը՝ թագուհի Մետե-Մարիտը, առողջական խնդիրների պատճառով չի մասնակցել արարողությանը։ Հարալդ V-ի հուղարկավորությունը նախատեսված է սեպտեմբերի 9-ին։