Զախարովան արձագանքել է Լեհաստանին Օլիմպիական խաղերից հնարավոր հեռացնելու մասին տեղեկություններին

ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է Լեհաստանի մարզիկներին Օլիմպիական խաղերին հնարավոր չթույլատրելու մասին տեղեկությունները՝ հայտարարելով, որ Լեհաստանի քաղաքական ղեկավարությունը նախկինում բազմաթիվ խնդիրներ է ստեղծել ռուսական սպորտի և մարզիկների համար։ Այս մասին հայտնում է ՌԻԱ Նովոստին։

«Նրանք վատություններ են արել և՛ ռուսական սպորտին, և՛ ռուս մարզիկներին։ Եկեք ավելի լավ է հետևենք մեր մարզիկների հաջողություններին, գնահատենք Սպորտի նախարարության և ռուս դիվանագետների աշխատանքը, որոնք ամեն ինչ արել են, որպեսզի մեր մարզիկները հնարավորություն ունենան մասնակցելու միջազգային մրցումներին»,- հայտարարել է Զախարովան Արևելյան տնտեսական համաժողովի շրջանակում։

Ավելի վաղ հաղորդվել էր, որ լեհ մարզիկները կարող են չմասնակցել Օլիմպիական խաղերին՝ Լեհաստանի օլիմպիական կոմիտեի նախագահ Ռադոսլավ Պեսևիչի՝ կոռուպցիայի մեղադրանքով ձերբակալության պատճառով։