«Ինձ դա տարօրինակ թվաց»․ Պուտինի օգնականը՝ Փաշինյանի հայերեն ելույթի մասին
Աշխարհ
ՌԴ նախագահի օգնական Յուրի Ուշակովը մեկնաբանել է Բիշքեկում Շանհայի համագործակցության կազմակերպության գագաթնաժողովում ՀՀ վարչապետ Նիկոլ Փաշինյանի՝ հայերենով ելույթ ունենալու որոշումը։
«Նա, հավանաբար, իմացել է, որ հայերենից այլ լեզուներ թարգմանության հնարավորություն կա և ելույթ է ունեցել հայերենով։ Սա հազվադեպ է լինում։ Չեմ կարծում, որ նախկինում նման բան արել է հանդիպումների ժամանակ»,- Life-ի թղթակից Ալեքսանդր Յունաշևին ասել է Ուշակովը։
ՌԴ նախագահի օգնականը խոստովանել է, որ Փաշինյանի որոշումն իր համար անսովոր է եղել։
«Ինձ դա տարօրինակ թվաց, բայց ոչ ավելին»,- ասել է Ուշակովը։
Նա միաժամանակ ընդգծել է, որ Փաշինյանը տիրապետում է ռուսերենին, սակայն հայերենը Հայաստանի պաշտոնական լեզուն է։
Բիշքեկում անցկացվում է Շանհայի համագործակցության կազմակերպության գագաթնաժողովը, որի շրջանակում Նիկոլ Փաշինյանը նաև հանդիպում է ունեցել ՌԴ նախագահ Վլադիմիր Պուտինի հետ։
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
