Տիգրան Աբրահամյան․ «Արցախի անկախության օրը նախկինում տոնում էին նույնիսկ նրանք, ովքեր այսօր այն ամոթալիորեն Ադրբեջան են համարում»
Հայաստան
Արցախի անկախության հռչակման օրը տարիներ շարունակ եղել է այն երկու հիմնական տոներից մեկը, որը ազգովի նշել ենք, հպարտացել ու բաժակ բարձրացրել։ Այս մասին գրել է 8-րդ գումարման ԱԺ պատգամավոր Տիգրան Աբրահամյանը։
«Դա արել են նույնիսկ նրանք, ովքեր այսօր ամոթաբար Արցախն Ադրբեջան են հռչակում կամ անտարբերությամբ անցնում մեր ժողովրդի արցախյան հատվածի հետ տեղի ունեցած Ցեղասպանության կողքով։
Քանի դեռ կա պայքար հայկական Արցախ վերադարձի համար, քանի դեռ կան մարդիկ, ովքեր խորապես գիտակցում են Արցախի հայկականության և դրա նշանակության մասին, քանի դեռ կան մարդիկ, ովքեր իրենց ներսում չեն հանձնվել, Արցախի համար պայքարը շարունակելու է մնալ ակտուալ։
Փառք ու պատիվ մեր նվիրյալներին։
Հավերժ փառք Հայրենիքի անկախության և պաշտպանության ճանապարհին նահատակված մեր հերոսներին»,- գրել է նա։
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
