Գիտնականները պարզել են՝ ինչն է առավել կարևոր կրծքի գրավչության ընկալման համար

Բրազիլացի գիտնականները հետազոտել են, թե կրծքի որ համամասնություններն են մարդկանց կողմից առավել գրավիչ ընկալվում։ Հետազոտության համաձայն՝ չափից ավելի կարևոր են համաչափությունն ու ծավալի ներդաշնակ բաշխումը, գրում է New York Post-ը։

Պասու Ֆունդուի համալսարանի գիտնականները 239 մասնակցի առաջարկել են ընտրել տարբեր համամասնություններով պատկերների միջև։ Հարցվածների 61,1 տոկոսը նախընտրել է այն տարբերակը, որտեղ կրծքի վերին և ստորին հատվածների ծավալը բաշխված է հավասար՝ 50/50 հարաբերակցությամբ։

Մասնակիցների 28,9 տոկոսը նախընտրել է 40/60 հարաբերակցությունը՝ ավելի մեծ ծավալով ստորին հատվածում, իսկ ընդամենը 10 տոկոսը՝ 60/40 տարբերակը, որտեղ ավելի ընդգծված է վերին հատվածը։

Գիտնականները նշել են, որ տղամարդկանց և կանանց պատասխանները հիմնականում համընկել են։ Հետազոտության արդյունքները ցույց են տալիս, որ գրավչության ընկալման հարցում կրծքի մեծ չափը ինքնին որոշիչ գործոն չէ․ ավելի կարևոր են համամասնությունն ու համաչափությունը։