Ավտովթար Գեղարքունիքում․ բախվել են «Kia»-ն և «ՎԱԶ 2107»-ը, կա վիրավոր

Օգոստոսի 28-ին ավտովթար է տեղի ունեցել Գեղարքունիքի մարզի Մեծ Մասրիկ բնակավայրում։ Ժամը 13։00-ի սահմաններում Կենտրոնական փողոցում բախվել են Կոտայքի մարզի բնակիչ, 58-ամյա Վարդան Ն․-ի վարած «Kia» և Գեղարքունիքի մարզի բնակիչ, 56-ամյա Արթուր Մ․-ի վարած «ՎԱԶ 2107» մակնիշի ավտոմեքենաները. փոխանցում է shamshyan.com-ը։

Բախման հետևանքով Արթուր Մ․-ն մարմնական վնասվածքներով տեղափոխվել է «Վարդենիս» բժշկական կենտրոն։

Դեպքի վայրում աշխատել են պարեկային ծառայության և քննչական կոմիտեի աշխատակիցները։ Տարածքը սահմանազատվել է։

Դեպքի առթիվ Վարդենիսի քննչական բաժնում նախաձեռնվել է քրեական վարույթ։