Պուտինն ու Փեզեշքիանը ունեցել են քննարկում

Ռուսաստանի և Իրանի նախագահներ Վլադիմիր Պուտինն ու Մասուդ Փեզեշքիանը Բիշքեկում կայացած հանդիպման ժամանակ քննարկել են «Բուշեր» ատոմակայանում ստեղծված իրավիճակը և ատոմային էներգետիկայի ոլորտում ռուս-իրանական համագործակցության հետագա զարգացումը։

Այս մասին Արևելյան տնտեսական ֆորումի շրջանակում լրագրողներին հայտնել է «Ռոսատոմի» ղեկավար Ալեքսեյ Լիխաչովը։

Նրա խոսքով՝ ատոմակայանում իրավիճակը շարունակում է մնալ հանգիստ։ Այս պահին այնտեղ աշխատում է 45 ռուսաստանցի մասնագետ, իսկ առաջիկայում նրանց կմիանա ևս շուրջ 50 աշխատակից։ Սեպտեմբերին ռուս մասնագետների թիվը նախատեսվում է հասցնել մոտ 100-ի։

Լիխաչովի խոսքով՝ քննարկվել են նաև Իրանում խոշոր էներգաբլոկների կառուցման վերաբերյալ նախկին պայմանավորվածությունների իրագործման հարցերը։ Թեհրանը հետաքրքրված է նաև փոքր ատոմային էներգաբլոկներով, որոնց կառուցման վերաբերյալ «Ռոսատոմն» արդեն փոխանցել է միջկառավարական համաձայնագրի նախագիծ։